Ейәнсурала ял көндәрендә эҫе була

Яндекс. Һауа торошо сервисы мәғлүмәттәре буйынса, бөгөн, 26 майҙа, һауа температураһы төндә +9...+19 градус тәшкил итәсәк. Көнсығыштан еңелсә ел иҫә.

Шәмбелә, 27 майҙа, көндөҙ аяҙлы-болотло, төндә болотло, яуым-төшөмөһөҙ булыуы көтөлә. Һауа температураһы көндөҙ +29...+30, төндә +16...+21 градус тәшкил итәсәк. Ел көньяҡтан һәм көньяҡ-көнсығыштан секундына 2-3 м тиҙлектә иҫә.

Аҙнаның һуңғы көнөндә, 28 майҙа, шулай уҡ аяҙлы-болотло буласаҡ. Һауа температураһы көндөҙ +28...+31, төндә +16...+22 градус йылы буласаҡ. Ел көньяҡтан һәм көньяҡ-көнсығыштан секундына 3-5 м тиҙлектә иҫә.