Синоптиктар тағы ҡойма ямғырҙар прогнозлай

Синоптиктар мәғлүмәттәре буйынса,  аҙна аҙағында Ейәнсура районында көслө ямғырҙар көтөлә.

Яндекс. Һауа торшо сервисы прогноздарынан күренеүенсә, бөгөн, 19 октябрҙә, аяҙ була. Һауа температураһы көндөҙ +7...+9, төндә –2...0 градус тәшкил итә. Ел көньяҡтан һәм көньяҡ-көнсығыштан секундына 3-4 м тиҙлектә иҫә.

Иртәгә, 20 октябрҙә, болотло булыуы, көндөҙ ҡойма, төндә бер аҙ ямғыр яуыуы көтөлә. Һауа температураһы көндөҙ +7...+8, төндә +3...+4 градус буласаҡ. Ел көньяҡ-көнбайыштан секундына 2-3 м тиҙлектә иҫә.

Шәмбелә, 21 октябрҙә, шулай уҡ болотло була, көндөҙ һәм төндә бер аҙ ямғыр яуа. Термометр бағанаһы +5...+6 градус күрһәтә. Ел көньяҡтан секундына 6-7 м тиҙлектә иҫә.