Тағы быҫҡаҡ ямғырҙар башланды. Улар ҡасан туҡтар?

Синоптиктар мәғлүмәттәре буйынса,  киләһе көндәр Ейәнсура районында ямғырлы була.

Яндекс. Һауа торшо сервисы прогноздарынан күренеүенсә, бөгөн, 8 ноябрҙә, болотло була, көндөҙ һәм төндә быҫҡаҡлап ямғыр яуа. Һауа температураһы +5...+7 градус тәшкил итә. Ел көнбайыштан секундына 3 м тиҙлектә иҫә.

Иртәгә, 9 ноябрҙә, болотло, көндөҙ яуым-төшөмһөҙ була, төндә бер аҙ ямғыр яуа. Һауа температураһы көндөҙ +6..+7,  төндә +4...+5 градус буласаҡ. Ел көнбайыштан һәм көньяҡ-көнсығыштан секундына 1-2 м тиҙлектә иҫә.

Йома көндө, 10 ноябрҙә, шулай уҡ болотло булыуы, көн дауамында бер аҙ ямғыр яуыуы көтөлә. Термометр бағанаһы көндөҙ +6...+7, төндә +4...+5 градус күрһәтә. Ел башлыса көньяҡтан секундына 4-6 м тиҙлектә иҫә.