Көндәр ҡасан һыуыта?

Синоптиктар мәғлүмәттәре буйынса,  киләһе аҙнала Ейәнсура районына ҡышҡы һыуыҡтар килә.

Яндекс. Һауа торшо сервисы прогноздарынан күренеүенсә, бөгөн, 3 декабрҙә, болотло була, бер аҙ ҡар яуа. Һауа температураһы көндөҙ –4, төндә –5...–6 градус тәшкил итә. Ел төньяҡ-көнбайыштан һәм көньяҡ-көнбайыштан, секундына 2-3 м тиҙлектә иҫә.

Иртәгә, 4 декабрҙә, болотло була, иртәнсәк ҡар, көндөҙ көслө ямғыр яуа. Һауа температураһы көндөҙ +2..+3,  төндә +0...+3 градус буласаҡ. Ел башлыса көньяҡтан секундына 3-4 м тиҙлектә иҫә.

Шишәмбелә, 5 декабрҙә, шулай уҡ болотло булыуы, көн дауамында бер аҙ ҡар яуыуы көтөлә. Термометр бағанаһы көндөҙ –6...–4, төндә –9...–8 градус күрһәтә. Ел төньяҡ-көнбайыштан секундына 3-4 м тиҙлектә иҫә.

Синоптиктар прогноздарынан күренеүенсә, киләһе аҙна уртаһында көндәр аяҙытып, ҡапыл һыуыта – һауа температураһы –22...–20 градусҡа тиклем түбәнәйә.