Синоптиктар мәғлүмәттәре буйынса, ял көндәрендә Ейәнсура районында ямғыр яуа.
Яндекс. Һауа торошо сервисы прогноздарынан күренеүенсә, бөгөн, 5 апрелдә, аяҙлы-болотло, яуым-төшөмһөҙ була. Һауа температураһы көндөҙ +11...+15, төндә +1...+5 градус тәшкил итә. Ел көнсығыштан, секундына 2-3 м тиҙлектә иҫә.
Шәмбелә, 6 апрелдә, болотло була, кисен һәм төндә бер аҙ ямғыр яуа. Һауа температураһы көндөҙ +12, төндә +15 градус буласаҡ. Ел көнсығыштан, секундына 2-3 м тиҙлектә иҫә.
Йәкшәмбелә, 7 апрелдә, болотло була, көндөҙ ҡойма ямғыр яуыуы көтөлә. Термометр бағанаһы көндөҙ +9..+10, төндә +4..+6 градус күрһәтәсәк. Ел йүнәлешен үҙгәртеүсән, секундына 2-4 м тиҙлектә иҫә, тип прогнозлай синоптиктар.