Киләһе аҙна башында һыуыта

Синоптиктар мәғлүмәттәре буйынса, киләһе аҙна башында Ейәнсура районында һыуығыраҡ була.

Яндекс. Һауа торошо сервисы прогноздарынан күренеүенсә, бөгөн, 25 майҙа, башлыса аяҙ була. Һауа температураһы көндөҙ +16...+22, төндә +10...+16 градус тәшкил итә. Ел көнбайыштан, секундына 4-5 м тиҙлектә иҫә.

Иртәгә, 26 майҙа, шулай уҡ аяҙ булыуы, тик төндә бер аҙ ямғыр яуыуы көтөлә. Термометр бағанаһы көндөҙ +23...+25, төндә +7...+14 градус күрһәтә. Ел башлыса көнбайыштан һәм төньяҡтан иҫә, тиҙлеге секундына 9 метрға тиклем барып етә.

Киләһе аҙнаның тәүге көнөндә, 27 майҙа, аяҙ була. Һауа температураһы көндөҙ +13...+15 булһа, төндә 0 градусҡа тиклем түбәнәйә. Ел төньяҡтан, секундына 5-6 м тиҙлектә иҫә, тип прогнозлай синоптиктар.