Синоптиктар көндәр ҡасан йылыныуы тураһында белдерҙе

Синоптиктар мәғлүмәттәре буйынса, киләһе көндәрҙә Ейәнсура районында йылы була

Яндекс. Һауа торошо сервисы прогноздарынан күренеүенсә, бөгөн, 28 майҙа, аяҙ була. Һауа температураһы көндөҙ +16...+20 градус тәшкил итә, төндә +4-кә тиклем түбәнәйә. Ел йүнәлешен үҙгәртеүсән, секундына 1-3 м тиҙлектә иҫә.

Иртәгә, 29 майҙа, аяҙ булыуы көтөлә. Һауа температураһы көндөҙ +22...+26, төндә +7...+16 градус буласаҡ.  Ел көнбайыштан һәм көньяҡ-көнбайыштан, секундына 4-5 м тиҙлектә иҫә.

Кесе йомала, 30 майҙа, аяҙлы-болотло була, бер аҙ ямғыр яуыуы ихтимал. Һауа температураһы көндөҙ +25...+27, төндә +12...+19 градус буласаҡ. Ел йүнәлешен үҙгәртеүсән, секундына 3-4 м тиҙлектә иҫә, тип прогнозлай синоптиктар.