Әбейҙәр сыуағының аҙаҡҡы көндәре

Синоптиктар мәғлүмәттәре буйынса, киләһе көндәрҙә Ейәнсура районында һыуыта.

Яндекс. Һауа торошо сервисы прогноздарынан күренеүенсә, бөгөн, 30 сентябрҙә, аяҙ һәм йылы була. Һауа температураһы көндөҙ +18...+24, төндә –1...+7 градус тәшкил итә. Ел төньяҡ-көнсығыштан һәм төньяҡтан иҫә, еңелсә.

Иртәгә, 1 октябрҙә, башлыса болотло, әммә яуым-төшөмһөҙ булыуы көтөлә. Һауа температураһы көндөҙ +19...+24, төндә +6...+11 градус. Ел төньяҡ-көнсығыштан һәм төньяҡтан иҫә, талғын.

Шишәмбелә, 2 октябрҙә, аяҙлы-болотло була. Термометр бағанаһы көндөҙ +16...+18 күрһәтһә, төндә 0 градусҡа тиклем түбәнәйә. Ел башлыса көнсығыштан, секундына 4-6 м тиҙлектә иҫә, тип прогнозлай синоптиктар.