Һауа торошо ҡырҡа үҙгәрә

Синоптиктар мәғлүмәттәре буйынса, киләһе көндәрҙә Ейәнсура районында һауа температураһы түбәнәйә.

Яндекс. Һауа торошо сервисы прогноздарынан күренеүенсә, бөгөн, 9 октябрҙә, аяҙлы-болотло һәм яуым-төшөмһөҙ була. Һауа температураһы көндөҙ +20...+23, төндә +10...+13 градус тәшкил итә. Ел йүнәлешен үҙгәртеүсән, еңелсә.

Иртәгә, 10 октябрҙә, башлыса болотло, әммә яуым-төшөмһөҙ булыуы көтөлә. Һауа температураһы көндөҙ +13...+14, төндә +3...+7 градус. Ел төньяҡ-көнсығыштан секундына 3-4 м тиҙлектә иҫә.

Республика көнөндә, 11 октябрҙә, болотло булыуы бер аҙ ямғыр яуыуы көтөлә. Термометр бағанаһы көндөҙ +2...+3 күрһәтһә, төндә –1 градусҡа тиклем түбәнәйә. Ел төньяҡ-көнсығыштан секундына 5-6 м тиҙлектә иҫә, тип прогнозлай синоптиктар.