Ҡар ҡатыш ямғыр яуа

Синоптиктар мәғлүмәттәре буйынса, киләһе көндәрҙә Ейәнсура районында ял көндәре болотло һәм ямғырлы була.

Яндекс. Һауа торошо сервисы прогноздарынан күренеүенсә, бөгөн, 25 октябрҙә, болотло була һәм бер аҙ ямғыр яуа. Һауа температураһы төндә +2...+4 градус тәшкил итә. Ел көньяҡ-көнбайыштан секундына 2-4 м тиҙлектә иҫә.

Ял көндәрендә, 26 һәм 27 октябрҙә, шулай болотло булыуы, бер аҙ ямғыр, йәкшәмбелә төндә ҡар ҡатыш ямғыр яуыуы көтөлә. Термометр бағанаһы көндөҙ +3...+6, күрһәтһә, төндә 0 градусҡа тиклем түбәнәйә. Ел йүнәлешен үҙгәртеүсән, еңелсә, тип прогнозлай синоптиктар.