Көслө ел, епшек ҡар

Рәсәй Ғәҙәттән тыш хәлдәр министрлығының Башҡортостан буйынса идаралығы белдереүенсә, республикала урыны менән сымдарға һәм ағастарға епшек ҡар һырыуы, боҙлауыҡ, буран, елдең тиҙлеге секундына 15-20 метрға етеүе, көнсығышта көслө ҡар, айырым урындарҙа автомобиль юлдары участкаларында күреү мөмкинлеге 500 метрға һәм унан да кәмерәккә насарайыуы көтөлә.

5 ғинуарҙа болотло була. Епшек ҡар, көнсығышта көслө ҡар яуа. Урыны менән буран, боҙлауыҡ, сымдарға һәм ағастарға епшек ҡар һырый, юлдарҙа ҡар һырынтылары, боҙлауыҡ. Ел көньяҡтан, көньяҡ-көнбайыштан, тиҙлеге секундына 8-13 метр, урыны менән 15-20 м/с. Һауа температураһы көндөҙ –3...+2 градус, кискә табан –8 градусҡа тиклем тиклем түбәнәйә. Автомобиль юлдарының айырым участкаларында мөмкинлеге 500 метрға һәм унан да кәмерәккә насарая.

6 ғинуарҙа аяҙлы-болотло, бер аҙ ҡар яуа, юлдарҙа боҙлауыҡ. Ел көньяҡ-көнбайыштан секундына 8-13 метр тиҙлектә иҫә. Һауа температураһы төндә –13...–8, аяҙытҡанда –18, көндөҙ –10...–5 градус.