Ҡар яуа, буранлай

Синоптиктар мәғлүмәттәре буйынса, Ейәнсура районында аҙна аҙағында мул итеп ҡар яуа, буран сыға.

Яндекс. Һауа торошо сервисы прогноздарынан күренеүенсә, бөгөн, 14 февралдә, аяҙлы-болотло, яуым-төшөмһөҙ була. Һауа температураһы көндөҙ –11...–7, төндә –7 градус тәшкил итә. Ел көньяҡтан һәм көньяҡ-көнбайыштан иҫә, талғын.

Иртәгә, 15 февралдә, болотло булыуы, еңелсә ҡар яуыуы көтөлә. Термометр бағанаһы –6...–5 күрһәтә. Ел көньяҡтан һәм көньяҡ-көнбайыштан секундына 3-6 м тиҙлектә иҫә.

Йәкшәмбелә, 16 февралдә, көслө ҡар яуа, буран сыға. Һауа температураһы көндөҙ –4...–1 градус күрһәтһә, төндә –8-гә тиклем түбәнәйә. Ел көньяҡтан секундына 8-10 м тиҙлектә иҫә.