Ҡырау төшә, ел көсәйә

Рәсәй Ғәҙәттән тыш хәлдәр министрлығының Башҡортостан Республикаһы буйынса баш идаралығы хәүефле һәм насар һауа шарттары тураһында хәбәр итте.

Бөгөн, 17 майҙа, аяҙлы-болотло, яуым-төшөмһөҙ була. Ел төньяҡтан, тиҙлеге 5-10 м/с, айырым райондарҙа 15 м/с тиклем. Һауа температураһы төндә +2... +7°С, урыны менән +12°С, ҡайһы бер таулы райондарҙа һауала һәм тупраҡ өҫтөндә 0, –2°С, ҡырау төшә, көндөҙ +17... +22°С. Төндә һәм иртән автомобиль юлдарының айырым участкаларында томан, күреү мөмкинлеге 500-1000 м.

18.05.2025. Яуым-төшөмһөҙ. Ел төньяҡ-көнбайыштан, көнбайыштан секундына 2-7 метр тиҙлектә иҫә. Һауа температураһы төндә +3... +8°с, урыны менән һауала һәм тупраҡ өҫтөндә –2°С-ҡа тиклем, ҡырау төшә, көндөҙ +17... +22°С.

19.05.2025. Төндә яуым-төшөмһөҙ, көндөҙ урыны менән ҡыҫҡа ваҡытлы ямғырҙар, йәшен. Ел көнбайыштан көньяҡҡа күсә, төндә 1-6 м/с, көндөҙ 5-10 м/с, айырым райондарҙа 17 м/с тиклем көсәйә. Һауа температураһы төндә +5...+10°С, көндөҙ +18...+23°С.