Тағы ямғырҙар

Синоптиктар мәғлүмәттәре буйынса, Ейәнсура районында аҙна уртаһында ҡойма ямғыр яуа.

Яндекс. Һауа торошо сервисы прогноздарынан күренеүенсә, бөгөн, 24 июндә, аяҙлы-болотло, яуым-төшөмһөҙ була. Һауа температураһы көндөҙ +20, төндә +12 градус тәшкил итә. Ел төньяҡ-көнбайыштан секундына 4-6 м тиҙлектә иҫә.

Иртәгә, 25 июндә, башлыса аяҙ була. Термометр бағанаһы көндөҙ +22, төндә +12 градус күрһәтә. Ел йүнәлешен үҙгәртеүсән, талғын.

Кесаҙнала, 26 июндә, болотло булыуы, ямғыр, ваҡыты менән ҡойма ямғыр яуыуы көтөлә. Һауа температураһы көндөҙ +19, төндә +15 градус тәшкил итә, тип прогнозлай синоптиктар.