Шыбыр-шыбыр ямғыр яуа

Синоптиктар мәғлүмәттәре буйынса, Ейәнсура районында аҙна аҙағы ямғырлы һәм һалҡынса була.

Яндекс. Һауа торошо сервисы прогноздарынан күренеүенсә, бөгөн, 27 июндә, болотло була, көн дауамында ямғыр яуа. Һауа температураһы көндөҙ +20, төндә +14 градус тәшкил итә. Ел көньяҡтан секундына 5-6 м тиҙлектә иҫә.

Ял көндәрендә, 28, 29 июндә, шулай уҡ болотло була, ямғыр яуа. Термометр бағанаһы көндөҙ +17...+18 градус күрһәтһә, төндә +13 градусҡа тиклем түбәнәйә. Ел башлыса төньяҡ-көнбайыштан секундына 3-5 м тиҙлектә иҫә, тип прогнозлай синоптиктар.