Күк күкрәп, ямғыр яуа

Синоптиктар мәғлүмәттәре буйынса, Ейәнсура районында киләһе көндәрҙә ямғыр яуа, күк күкрәй.

Яндекс. Һауа торошо сервисы прогноздарынан күренеүенсә, бөгөн, 30 июндә, аяҙлы-болотло була, төндә бер аҙ ямғыр яуа. Һауа температураһы көндөҙ +23, төндә +18 градус тәшкил итә. Ел көньяҡтан һәм көньяҡ-көнбайыштан, еңелсә.

Иртәгә, 1 июлдә, болотло була, ямғыр яуа, күк күкрәй. Термометр бағанаһы көндөҙ +21 градус күрһәтһә, төндә +14 градусҡа тиклем түбәнәйә. Ел башлыса көньяҡтан секундына 3-5 м тиҙлектә иҫә, тип прогнозлай синоптиктар.

Шаршамбыла, 2 июлдә, аяҙлы-болотло, яуым-төшөмһөҙ була. Һауа температураһы көндөҙ +23, төндә +13 градус тәшкил итә, тип прогнозлай синоптиктар.