Бер аҙ ямғыр яуа

Синоптиктар мәғлүмәттәре буйынса, Ейәнсура районында киләһе көндәрҙә башлыса яуым-төшөмһөҙ була.

Яндекс. Һауа торошо сервисы прогноздарынан күренеүенсә, бөгөн, 3 июлдә, аяҙлы-болотло һәм яуым-төшөмһөҙ була. Һауа температураһы көндөҙ +25 градус булһа, төндә +14 градусҡа тиклем түбәнәйә. Ел көньяҡ-көнбайыштан һәм көньяҡтан, еңелсә.

Иртәгә, 4 июлдә, аяҙлы-болотло булыуы, көндөҙ бер аҙ ямғыр яуыуы көтөлә. Термометр бағанаһы көндөҙ +21, төндә +15 градус күрһәтә. Ел башлыса көнбайыштан секундына 4-5 м тиҙлектә иҫә.

Шәмбелә, 5 июлдә, аяҙлы-болотло, яуым-төшөмһөҙ булыуы күҙаллана. Һауа температураһы көндөҙ +26, төндә +17 градус тәшкил итә, тип прогнозлай синоптиктар.