Һыуыта, ямғыр яуа

Синоптиктар мәғлүмәттәре буйынса, Ейәнсура районында аҙна аҙағында һыуыта һәм ямғыр яуа.

Яндекс. Һауа торошо сервисы прогноздарынан күренеүенсә, бөгөн, 10 октябрҙә, аяҙлы-болотло һәм яуым-төшөмһөҙ була. Һауа температураһы көндөҙ +17, төндә +5 градус тәшкил итә. Ел көньяҡ-көнсығыштан һәм төньяҡтан, еңелсә.

Республика көнөндә, 11 октябрҙә, болотло, әммә яуым-төшөмһөҙ булыуы көтөлә. Термометр бағанаһы көндөҙ +16, төндә +9 градус күрһәтә. Ел башлыса көнсығыштан, секундына 5-7 м тиҙлектә иҫә.

Йәкшәмбелә, 12 октябрҙә, болотло була, көн дауамында бер аҙ ямғыр яуа. Һауа температураһы көндөҙ һәм төндә +6 градус тәшкил итә, тип прогнозлай синоптиктар.