Эҫе һәм ямғырлы була

Синоптиктар мәғлүмәттәре буйынса, Ейәнсура районында ял көндәрендә ямғыр яуыуы көтөлә.

Яндекс. Һауа торошо сервисы прогноздарынан күренеүенсә, бөгөн, 19 июндә, аяҙлы-болотло һәм яуым-төшөмһөҙ була. Һауа температураһы көндөҙ +26...+27, төндә +14 градус тәшкил итә. Ел йүнәлешен үҙгәртеүсән, талғын.

Иртәгә, 20 июндә, аяҙлы-болотло булыуы, ямғыр яуыуы көтөлә. Термометр бағанаһы көндөҙ +28, төндә +18 градус күрһәтә. Ел көнсығыштан һәм көньяҡтан секундына 3-4 м тиҙлектә иҫә.

Йәкшәмбелә, 21 июндә, башлыса болотло булыуы, ямғыр яуыуы күҙаллана. Һауа температураһы көндөҙ +25 градус тәшкил итһә, төндә +17-гә тиклем түбәнәйә, тип прогнозлай синоптиктар.