Бер аҙ һалҡынайта, ямғыр яуа

Синоптиктар мәғлүмәттәре буйынса, Ейәнсура районында киләһе көндәрҙә һауа температураһы түбәнәйә, ямғыр яуа.

Яндекс. Һауа торошо сервисы прогноздарынан күренеүенсә, бөгөн, 6 июлдә, башлыса аяҙ була, кисен бер аҙ ямғыр яуыуы ихтимал. Һауа температураһы көндөҙ +30, төндә +19 градус тәшкил итә. Ел төньяҡтан һәм төньяҡ-көнбайыштан, талғын.

Иртәгә, 7 июлдә, болотло булыуы, бер аҙ ямғыр яуыуы көтөлә. Термометр бағанаһы көндөҙ +29 төндә +20 градус күрһәтә. Ел йүнәлешен үҙгәртеүсән, еңелсә.

Шаршамбыла, 8 июлдә, болотло булыуы, бер аҙ ямғыр һәм төндә көслө ямғыр яуыуы күҙаллана. Һауа температураһы көндөҙ +25, төндә +19 градус тәшкил итә, тип прогнозлай синоптиктар.