Ямғырҙар оҙаҡҡа һуҙылырмы?

Синоптиктар мәғлүмәттәре буйынса, Ейәнсура районында киләһе аҙнала ямғырҙар туҡтай һәм эҫе була.

Яндекс. Һауа торошо сервисы прогноздарынан күренеүенсә, бөгөн, 19 июлдә, болотло була, ямғыр яуа. Һауа температураһы көндөҙ +21, төндә +16 градус тәшкил итә. Ел көнбайыштан һәм төньяҡ-көнбайыштан, секундына 3-4 м тиҙлектә иҫә.

Киләһе аҙнаның тәүге көнөндә, 20 июлдә, аяҙлы-болотло булыуы, бер аҙ ямғыр яуыуы, төндә аяҙытыуы көтөлә. Термометр бағанаһы көндөҙ +24 төндә +18 градус күрһәтә. Ел төньяҡтан, секундына 3-4 м тиҙлектә иҫә.

Шишәмбелә, 21 июлдә, башлыса аяҙ булыуы күҙаллана. Һауа температураһы көндөҙ +27, төндә +17 градус тәшкил итә.

Киләһе аҙна уртаһында эҫе һәм аяҙ көндәр ҡабат килә ­– һауа температураһы көндөҙ +30 градусҡа тиклем күтәрелә тип прогнозлай синоптиктар.