Иң эҫе көндәр

Синоптиктар мәғлүмәттәре буйынса, Ейәнсура районында киләһе көндәрҙә ныҡ эҫе була.

Яндекс. Һауа торошо сервисы прогноздарынан күренеүенсә, бөгөн, 23 июлдә, аяҙ була. Һауа температураһы көндөҙ +30, төндә +19 градус тәшкил итә. Ел төньяҡтан, талғын.

Иртәгә, 24 июлдә, шулай уҡ аяҙ булыуы көтөлә. Термометр бағанаһы көндөҙ +31 төндә +20 градус күрһәтә. Ел төньяҡ-көнсығыштан, еңелсә.

Ял көндәрендә лә аяҙ булыуы күҙаллана. Һауа температураһы көндөҙ +35 градусҡа тиклем күтәрелә, төндәрен +21 градус тәшкил итә.