Ейәнсурала тәүге ҡар яуҙы

Синоптиктар мәғлүмәттәре буйынса, Ейәнсура районында киләһе аҙна башында йылыраҡ була.

Яндекс. Һауа торошо сервисы прогноздарынан күренеүенсә, бөгөн, 4 октябрҙә, болотло була, ямғыр һәм ҡар ҡатыш ямғыр яуа. Һауа температураһы көндөҙ +4, төндә +2 градус тәшкил итә. Ел йүнәлешен үҙгәртеүсән, секундына 3-4 м тиҙлектә иҫә.

Иртәгә, 5 октябрҙә, шулай уҡ болотло була, бер аҙ ямғыр яуа. Термометр бағанаһы көндөҙ +6 төндә +3 градус күрһәтә. Ел көнбайыштан, секундына 5-6 м тиҙлектә иҫә.

Шишәмбелә, 6 октябрҙә, башлыса аяҙ булыуы көтөлә. Һауа температураһы көндөҙ +13 градус тәшкил итһә, төндә +9-ға тиклем түбәнәйә, тип прогнозлай синоптиктар.