Башҡортостан кешеһен мәсеттән аҡса урлаған өсөн хөкөм иттеләр

Хөкөм ителеүсе Сибайҙа хәйер һала торған йәшниктән аҡсаларҙы алған.

Судта билдәләүенсә, был хәл 10 августан 11-нә ҡарай булған. Тикшереү эше материалдары буйынса, хөкөм ителеүсе эскән булған. Ул “Тәҡүә” дини ойошмаһының ишеген емереп асып, йоҡларға тип ингән, ә һуңынан мәсеттән 7100 һум аҡса алып сыҡҡан.

Был турала беҙ яҙғайныҡ инде. https://ejansura.ru/news/common_material/2022-08-12/ey-nsura-rayonynan-37-y-shlek-ir-sibay-a-m-setk-t-sh-sene-tot-andar-2907750

Енәйәт эше фигуранты үҙ ғәйебен өлөшләтә таныған, мәсет эсенә йоҡларға тип кенә инеүен аңлатҡан, ә урлау уйы һуңынан башына килә. Суд тарафынан енәйәтсе алты айға, шул осорға һынау ваҡыты менән хөкөм ителгән.