Юғары белем алыуҙы реформа көтә

Быйыл һәм киләһе 2024 йылда, шулай уҡ 2025-2026 уҡыу йылдарында Рәсәйҙә юғары белемде реформалау буйынса пилот проекты эшләй башлай. Рәсәй етәксеһе В.Путин ошо туралағы уҡказға ҡул ҡуйҙы.

Уҡыу программаһы бер нисә кимәлгә бүленәсәк: база, махсус юғары, шулай уҡ аспирантура. Махсус әҙерлеккә магистратура, ординатура һәм стажировка-ассистентура инә.

База кимәлендә уҡыу 4-6 йыл тәшкил итәсәк. Магистратура иһә белгеслеккә, әҙерлектең йүнәлешенә ҡарап, 1-ҙән 3 йылға тиклем дауам итә. 

Был пилот проекты һыналасаҡ уҡыу йорттары иҫәбендә Башҡортостан ВУЗ-дары юҡ. Проект Мәскәү, Санкт-Петербург һәм ТОмск ҡалаларындағы 6 уҡыу йортонда тормошҡа ашырыласаҡ.

Фото: БДУ-ның рәсми сайтынан.