7 февралдә Башҡортостан Республикаһының тәүге Президенты Мортаза Ғөбәйҙулла улы Рәхимовтың тыуыуына 90 йыл тулыу айҡанлы бик күп саралар ойошторолдо.
Күмертау ҡалаһының Мортаза Рәхимов исемен йөрөткән 3 - сө һанлы гимназияһында "Рәхимов уҡыуҙары" төбәк-ара фәнни-ғәмәли конференция үтте. Иҫәнғол ауылының М.С.Бураҡаева исемендәге Башҡорт гимназия-интернатынан өс уҡыусыға ошо мәртәбәле сарала ҡатнашыу бәхете тейҙе.
Миңлеғәле Шайморатов исемендәге кластан ике уҡыусының сығыштары баһалама ағзаларының айырым маҡтау һүҙҙәренә лайыҡ булды. Аҡъюлов Салауат - еңеүсе, Юланов Асҡар призер булдылар.
Етәкселәре Гөлбаныу Ирек ҡыҙы Исмәғилева фәнни-ғәмәли конференцияға уҡыусыларҙы әҙерләп, рухи-әхлаҡи яҡтан йәш быуынды тәрбиәләүгә тос өлөш индергәне өсөн Мәғариф һәм фән министрлығының Рәхмәт хаты менән бүләкләнде.