+24 °С
Ямғыр
Мәғариф Образование
5 Июнь 2024, 06:15
"Ал елкән" ишектәрен асты
“Ал елкән” ял-һауыҡтырыу лагеры Сөләймән ауылында, хозур тәбиғәт ҡосағында, матур, тыныс урында урынлашҡан. Бында матурлыҡҡа таң ҡалырлыҡ. Шуға ла был илаһи урын балаларҙы үҙенә тарта. Бында бер ял иткән бала тағы ла килергә ылығып тора, атай-әсәйҙәрҙең дә күңелдәре тыныс.
"Ал елкән" ишектәрен асты
Әле “Ал елкән” лагеры беренсе сменаға килгән балаларҙы ҡабул итеп алды ла инде. Смена 3-нән 23 июнгә тиклем дауам итә.
– Программабыҙ патриотик йүнәлештә һәм “Беренселәр ваҡыты” тип атала. Ул “Беренселәр хәрәкәте” Рәсәй балалар һәм йәштәр хәрәкәте менән берлектә эшләнелде, – ти лагерь етәксеһе Байрас Ҡансурин. – Сменаға 110 баланы ҡабул итеп алдыҡ. Лагерҙа үҙебеҙҙең райондан да, башҡа район-ҡалаларҙан килгән уҡыусылар ҙа бар.
Программаға ярашлы, бик ҡыҙыҡлы һәм тәрбиәүи саралар, осрашыуҙар планлаштырылған.
Кисә “Беренселәр хәрәкәте” белгесе Фидәрис Юлсанов менән берлектә “Забег Первых” Бөтә Рәсәй акцияһы сиктәрендә балалар 🏃♂🏃♀1,2 километрға уҙыш ойошторғандар.
Шулай уҡ райондың 🚔 Эске эштәр бүлеген хеҙмәткәрҙәре уҡыусылар менән әңгәмәләшкән.
💯Балаларға яҡшы кәйеф, һәйбәт ял теләйбеҙ.🤝
