Тәүге ҡоймаҡ... еңеү килтерҙе

Бөйөк Еңеүҙең 80 йыллығына арналған “Минең ерем һанлы проекцияла” V Бөтә Рәсәй тикшеренеү эштәре конкурсында илебеҙҙең 300 уҡыу йорто уҡыусылары һәм студенттары ҡатнашҡан. Эксперт советы ете номинация буйынса 50 эште һайлап алған. Улар араһында Ф.Солтанов исемендәге мәктәптең 8-се класс уҡыусыһы Ильяс Йәркәевтың Һыусыҡҡан шишмәһе тураһындағы проекты – “Минең ерем тарих һәм мәҙәниәт ҡомартҡыларында” номинацияһында, ә Тимур Тәйләковтың уҡытыусы тураһындағы проекты “Минең ватандашым” номинацияһында призер булған.. Улар етәкселәре Миңзиә Ишмөхәмәтова менән 25 апрелдә М.Аҡмулла исемендәге Башҡорт дәүләт педагогия университетында үткән бүләкләү сараһында ҡатнашты.