Ейәнсура уҡытыусылары конкурста һынатманы

22 һәм 23 октябрҙә М. Аҡмулла исемендәге БДПУ-ның һөнәри оҫталыҡты өҙлөкһөҙ күтәреү үҙәгендә "Методик команда" конкурсы үтте. Ейәнсура районы командаһы «Педагогик хеҙмәткәрҙәрҙе методик оҙатыуҙы иң яҡшы трансляциялаған өсөн» номинацияһында еңеүсе булған!

Командаға тәжрибәле белгестәр: Иҫәнғолдоң 1-се урта мәктәбенән Ләйсән Мусина,  Таҙлар мәктәбенән Әнзинә Дүшәнбаева, Н. Кәримов исемендәге Күгәрсен мәктәбенән Нурзилә Иҙрисова, Үрге Муйнаҡ мәктәбенән Миләүшә Шәрипова, М. Бураҡаева исемендәге башҡорт гимназия-интернатынан Минзилә Абдуллина ингән. Уларҙың профессионализмы һәм берҙәм эше конкурстың бөтә этаптарында ла ҙур һөҙөмтәләргә өлгәшергә ярҙам иткән, тип хәбәр итте район мәғариф бүлеге.

Ҡотлайбыҙ!