Башҡортостанда ҡурайсыларҙың дәүләт ансамбле ойошторолдо

Башҡорт дәүләт ҡурайсылар ансамбле булдырылды. Был хаҡта дүшәмбелә республика хөкүмәтенең оператив кәңәшмәһендә Башҡортостан Башлығы Радий Хәбиров хәбәр итте. Ярашлы указға бөгөн ҡул ҡуйылды.

– Бөгөнгө көндә Башҡортостан Республикаһының дәүләт ҡурайсылар ансамбленең тыуған көнө тип иҫәпләргә мөмкин, – тип белдерҙе республика етәксеһе.

Ул мәҙәниәт министрына тиҙ арала коллективтың базаһын формалаштырырға ҡушты.

Фото: Олег Яровиков / “Башинформ”