AY YOLA Европаға юллана

Быуаттар буйына сәсәндәрҙән сәсәндәргә тапшырылып килгән «Урал Батыр» эпосы тәүге тапҡыр Европа сәхнәләрендә яңғыраясаҡ. AY YOLA төркөмө Европа буйлап тәүге турнеға сыға.

«Беҙ йәнле тауыш алып киләбеҙ: ҡурай, думыбра, ҡумыҙ. Һәм Башҡортостан ерендә тыуған тарих», — тип уртаҡлашты коллектив ағзалары.

Тәүге сығыш Сербияның баш ҡалаһы Белградта 28 февралгә планлаштырылған. Артабан AY YOLA Болгарияға, Венгрияға һәм Германияға юллана.