Тағы ла күберәк кеше 690 мең һум аҡса ала аласаҡ

Башҡортостан властары 690 мең һум күләмендә дәүләт матди ярҙамына хоҡуҡлы йәш педагогтар даирәһен киңәйтте. Был үҙгәрештәр Республика Башлығы тарафынан тейешле норматив актҡа индерелде.

Хәҙер грантҡа 20 меңгә тиклем кеше йәшәгән ауылдарҙа эшләгән 35 йәшкә тиклемге уҡытыусылар дәғүә итә ала. Элек сикләү ҡиммәте 15 мең тәшкил итте.

 Бынан тыш, ағымдағы йылдың 1 февраленән 31 майына тиклем документтар ҡабул итеү ваҡыты арттырылды.

Иҫегеҙгә төшөрәбеҙ, йыл һайын Башҡортостандың ауыл еренән 150 уҡытыусы үҫеп килгән быуынды уҡытыу һәм тәрбиәләү буйынса ауыр хеҙмәтенә матди ярҙам сифатында 690 000 һум күләмендә грант ала. Был сумма бер ниндәй ҙә үҙгәрешһеҙ ҡала.

Үткәрелгән төҙәтмәләр Башҡортостандың төпкөлөндә эшләгән йәш уҡытыусыларҙың күбеһенә көнүҙәк мәсьәләләрҙе хәл итеү өсөн төбәк властарынан ҙур финанс ярҙам алырға мөмкинлек бирәсәк.