Автоклуб күптәрҙе һөйөндөрһөн!

Был ваҡиға район мәҙәниәт бүлеге өсөн дә, халыҡ өсөн дә бик шатлыҡлы. Сөнки автоклуб ярҙамында райондың ниндәй урынында булһа ла концерт ҡуйыу, төрлө саралар үткәрергә мөмкин буласаҡ.

"Мәҙәниәт" милли проекты сиктәрендә бирелгән был уңайлы автомобиль 12 миллион тора. Ул заманса күп функциялы йыһаздарҙан - сәхнә-трансформер, спутник антеннаһы, акустик система, мультимедиа ҡорамалдарынан тора.

Автоклуб уңышлы эшләп, күптәрҙе ҡыуандырһын, район халҡына йыр-моң өләшеүгә ҙур өлөш индерһен.