«Мәғариф» милли проекты сиктәрендә республиканың 6 балалар баҡсаһы грант отто

Башҡортостандың 6 балалар баҡсаһы ата-әсәләргә психологик-педагогик, методик һәм консультация ярҙамы күрһәтеү маҡсатында коммерцияға ҡарамаған ойошмаларға дәүләт ярҙамы программаһы сиктәрендә 2020 йылда федераль бюджеттан субсидия формаһында грант алыу конкурсы еңеүселәре булды, тип хәбәр итә “Башинформ” агентлығы Мәғариф министрлығы мәғлүмәттәренә таянып.

Рәсәй Федерацияһында бөтәһе 164 мәктәпкәсә белем биреү ойошмаһы грант отҡан. Грант ата-әсәләргә йәки балаларҙың законлы вәкилдәренә, шулай уҡ ата-әсә ҡарауынан мәхрүм балаларҙы үҙҙәренең ғаиләһенә тәрбиәгә алырға теләгән граждандарға психологик-педагогик, методик һәм консультация ярҙамы хеҙмәттәренә түләү өсөн бирелә. Шулай уҡ субсидия аҡсаһы мәктәпкәсә йәштәге балаларҙың иртә үҫеше өсөн шарттар булдырыуға, ғаиләлә мәктәпкәсә белем алған балаларҙың ата-әсәләренә психологик-педагогик, методик һәм консультация ярҙамы программаһын ғәмәлгә ашырыуға йүнәлтелә.

#национальныепроекты#нацпроекты