Республикала 65 йәштән өлкән ауыл кешеләрен дауаханаға тикшереүгә бушлай алып баралар

Башҡортостанда 65 йәштән өлкәндәрҙе дауаханаға өҫтәмә тикшереү үтергә алып баралар, тип хәбәр итә “Башинформ” агентлығы. Тейешле ҡарар ресубликаның рәсми хоҡуҡи-мәғлүмәт интернет-порталында баҫылып сыҡты. Проект «Өлкән быуын» һәм «Демография» программалары сиктәрендә бойомға ашырыла. Айырым социаль әһәмиәтле йоғошло булмаған сирҙәре асыҡлау өсөн өҫтәмә тикшереүҙәр һәм скринингтар тураһында телефон, киң мәғлүмәт саралары аша хәбәр итеү күҙаллана. Ауыл халҡын социаль хеҙмәткәрҙәре булған махсус мобиль бригадалар йөрөтә. Хеҙмәт бушлай. #национальныепроекты#нацпроекты #нацпроектыБашкортостан