Путин бөгөн 15-се матбуғат конференцияһын үткәрә

Рәсәй Президенты Владимир Путин бөгөн, 19 декабрҙә, Мәскәүҙәге Халыҡ-ара сауҙа үҙәгендә традицион ҙур матбуғат конференцияһын йыя. Конференция сәғәт 14.00-дә (Мәскәү ваҡыты менән 12.00-дә) башлана. Ул 2001 йылдан башлап Путин өсөн 15-сеһе буласаҡ. Дәүләт башлығы уға алдан әҙерләнә башлаған – министрҙар, вице-премьерҙар, федераль агентлыҡтар етәкселәре менән аралашҡан. Быйылғы конференция аккредитацияланған журналистар һаны буйынса рекорд ҡуйҙы – 1895 кеше. Былтыр 1702 журналист ҡатнашҡайны. Матбуғат вәкилдәренең күпселеге төбәктәрҙең киң мәғлүмәт сараларынан. Шулай уҡ федераль һәм сит ил киң мәғлүмәт саралары вәкилдәре лә байтаҡ. #ВладимирПутин