Шәйехзада Бабичтың тыуыуына 125 йыл тулыуын билдәләү тураһында указға ҡул ҡуйылды

Башҡортостан Башлығы Радий Хәбиров шағир, сәйәси эшмәкәр Шәйехзада Мөхәмәтзакир улы Бабичтың тыуыуына 125 йыл тулыуҙы билдәләү тураһындағы указға ҡул ҡуйҙы, тип хәбәр итә “Башинформ” агентлығы. Башҡортостан хөкүмәтенә юбилей сараларының планын әҙерләү һәм раҫлау бурысы йөкмәтелде. Шәйехзада Бабичтың 125 йыллығын байрам итеү өсөн аҡса республика ҡаҙнаһынан, шулай уҡ бюджеттан тыш сығанаҡтарҙан бүленә.