+10 °С
Облачно
Новости
16 Января 2020, 11:46
Владимир Путин Премьер-министр вазифаһына кемде тәҡдим иткән?
Премьер-министр Дмитрий Медведевтың вазифаһынан бушатылғаны мәғлүм булғайны. Бынан бер ни тиклем ваҡыт элек иһә уның урынына кемде тәҡдим иткәндәре асыҡланды.
Рәсәй Президенты Владимир Путин Дәүләт Думаһына Федераль һалым хеҙмәте етәксеһе Михаил Мишустиндың кандидатураһын Премьер-министр вазифаһына тәҡдим иткән. Был хаҡта Кремлдең матбуғат хеҙмәте хәбәр итә.
Унан алда Владимир Путин Михаил Мишустин менән эшлекле осрашыу үткәргән, уға юғары вазифаны биләргә тәҡдим иткән. Ризалығын алғас, был ҡарар Рәсәй Дәүләт Думаһына еткерелгән.
Михаил Мишустин Федераль һалым хеҙмәтенә 2010 йылдың апреленән етәкселек итә. Уға ай ярымдан 54 йәш тула. Ғаилә хәле: өс ул тәрбиәләй, спорт ярата, айырыуса хоккейға өҫтөнлөк бирә.