Ауыл хужалығы етәкселәренең семинар-кәңәшмәһе уҙҙы

“Ҡыуандыҡ” ЯСЙ-һы базаһында район хакимиәте башлығы Дәмин Юланов етәкселеге аҫтында малдарҙы ҡышлатыу һәм районда малсылыҡты үҫтереү перспективалары һорауҙары буйынса ауыл хужалығы етәкселәренең семинар-кәңәшмәһе уҙҙы.

Практик өлөштән һуң район хакимиәтенда семинарҙың пленар өлөшө уҙғарылды. Унда мал ҡышлатыу, малсылыҡ йүнәлеше буйынса һорауҙар ҡаралды, мал һанын һәм малдарҙың продуктлылығын арттырыу буйынса мәсьәләләр билдәләнде. Кәңәшмә барышында ҡатнашыусылар алдында район башлығының беренсе урынбаҫары Самат Йәрмөхәмәтов, ауыл хужалығы , МКҮ һәм ветеринар участок белгестәре сығыш яһаны. Сара аҙағында Дәмин Марат улы семинар-кәңәшмәгә йомғаҡ яһаны, артабан бурыстар ҡуйҙы.