Иң шәп өләсәйҙәр

26 февралдә район мәҙәниәт йортонда беренсе тапҡыр “Суперөләсәй – 2020” үтте. 10 ҡатнашыусы төрлө һынауҙарҙа үҙ көсөн һынап ҡараны. Бына ул беҙҙең геройҙар: Гөлбикә Танһыҡҡужина (Үрге Муйнаҡ ауылы), Тәнзилә Уликанова (Ибрай ауылы), Асия Шәйәхмәтова (Иҫәнғол ауылы), Гөлсәсәк Килдейәрова (Яңы Павловка), Әнзинә Аҙнағолова (Бикбирҙе ауылы), Саёра Искәндәрова (Трушин ауылы), Әнисә Сәлихова (Яңы Себенле ауылы), Гүзәл Итбаева (Бикбау ауылы), Гөлйөҙөм Рамазанова (Сирғол ауылы) һәм Зифа Ишмырҙина (Иҙәш ауылы).Уларҙың барыһы ла "Шәп!" өләсәй булыуҙарын дәлилләне. Тамашасылар һәр береһенең сығышын ихлас ҡабул итте. Ә Иҫәнғолдан Асия Шәйәхмәтоваға иһә "Суперөләсәй" титулын яуларға насип булды.