Путин Конституция буйынса тауыш биреү көнөн 22 апрелгә тәғәйенләүҙе хупланы

РФ Президенты Владимир Путин Конституцияға үҙгәрештәр индереү буйынса тауыш биреүҙе 22 апрелдә үткәреү тәҡдимен хупланы, тип белдерҙе уның матбуғат секретары Дмитрий Песков.

Был датаны Президент менән осрашыуҙа Конституцияға төҙәтмәләр индереү буйынса эшсе төркөмдөң сопредседателе Андрей Клишас тәҡдим иткәйне. Ул был тәҡдимен 19 апрелдә православие посы тамамланыуы һәм 24 апрелдә мосолмандарҙың изге айы Рамаҙан башланыуы менән дәллиләне. Быға тиклем Путин тауыш биреү көнөн ял көнө итеү менән риза булғайны.