«Салауат Юлаев» Өфөлә «Аҡ Барыҫ» менән уйынға билеттар һатыуҙы туҡтатты

Ҡазандың «Аҡ Барыҫ» хоккей клубы КХЛ-дың Көнсығыш конференцияһы плей-офф ярымфинал серияһының «Салауат Юлаев» менән уйындарына билеттар һатыуҙы туҡтатты, – тип хәбәр итә «Башинформ» агентлығы. «Аҡ Барыҫ» хоккей клубы медиа-үҙәге етәксеһе Михаил Степанов белдереүенсә, был яңы коронавирус инфекцияһының таралыуына бәйле.

«Беҙ ҡыҙыҡһынған яҡтарҙың ҡарарҙарын көтәбеҙ», — тине Степанов.

«Салауат Юлаев» хоккей клубының матбуғат хеҙмәтенән кисә Башҡортостандың баш ҡалаһында 24 мартта булырға тейешле дүртенсе уйынға билеттар һатыуҙы туҡтатыуҙары тураһында хәбәр иттеләр. 22 мартҡа «Өфө-Арена»ға бөтә билеттар һатылып бөткән. Яҡынса мәғлүмәттәр буйынса, әгәр уйынды тамашасыларһыҙ уҙғарыу тураһында ҡарар ҡабул ителһә, клуб уларҙың тулы хаҡын ҡайтара.

“Һаулыҡ һаҡлау” милли проектына ярашлы, халыҡты төрлө йоғошло сирҙәрҙән аралау, үлем осраҡтарына юл ҡуймау, кеше һанын һаҡлау ҙур бурыстарҙың береһе. Республикала ғинуарҙан алып эпидемияға ҡаршы саралар комплексы ойошторолған. Ҡытайҙан Башҡортостан еренә аяҡ баҫҡан һәр кем ентекле тикшеренеү үтә