Өс йәшкә тиклемге балаларға 5-әр мең һум өҫтәп түләү тураһындағы указға ҡул ҡуйылды

Рәсәй президенты Владимир Путин халыҡҡа телемөрәжәғәтендә әйткән балалы ғаиләләргә өҫтәмә социаль ярҙам саралары тураһындағы указға ҡул ҡуйҙы, тип хәбәр итә «Башинформ» мәғлүмәт агентлығы. Документ Кремль сайтында баҫылған. Указдың тексына ярашлы, апрель-июндә өс йәшкәсә балаһы булған ғаиләләргә ай һайын бишәр мең һум түләнә (һәр балаға). Сығымдарҙы хөкүмәт финанслай. Шулай уҡ Министрҙар кабинеты түләүҙәр тәртибен һәм шарттарын билдәләй.

Аҡса алыу өсөн 2020 йылдың 1 октябренә тиклем мөрәжәғәт итергә мөмкин.