Дәүләкәндә балалар баҡсаһы төҙөлә

Дәүләкәндә яңы балалар баҡсаһы төҙөлә башланы. Барлыҡ заман талаптарына яуап биргән мәктәпкәсә учреждение ҡаланың Көнбайыш урамында асыласаҡ. Заказчигы – Капиталь төҙөлөш идаралығы. Объект «Демография» милли проекты сиктәрендә республика бюджеты иҫәбенә төҙөлә.

Яңы балалар баҡсаһының эшләй башлауы 2021 йыл аҙағына – 2022 йыл башына күҙаллана. Район хакимиәте башлығы Илгиз Мөхәмәтйәнов билдәләүенсә, төҙөлөш этабы башланыуға тиклем бер нисә йыл дауам иткән ҙур тәжрибә тупланған. Проект-смета документация әҙерләнгән, артабан дәүләт экспертизаһы үткән, һәм иң мөһиме – республика адреслы инвестиция программаһына индерелеүе. Подрядсы ойошма - «Главспецстрой» ЯСЙ.

#нацпроекты

#миллипроекттар