Битлектәр таратыла

Мәғлүм булыуынса, 12 майҙа, Башҡортостан Башлығы Радий Хәбиров Хөкүмәттә үткән оператив кәңәшмәлә, республика битлек һатып алыу өсөн аҡса бүлергә һәм ирекмәндәр ярҙамында уларҙы мохтаж булған, бигерәк тә оло йәштәгеләргә таратып бирергә әҙер, тип белдергәйне. Республикала әле 150 мең битлек өләшелгән дә.

Республика акцияһына ярашлы, медицина битлектәрен алған тәүге ҡалаларҙың береһе – Өфө. Уның ете районының һәр ҡайһыһына бишәр мең һаҡланыу сараһы еткерелгән, уларҙы “Берҙәм Рәсәй” партияһы төбәк башҡарма комитетының “Беҙҙең хәстәр” проекты ирекмәндәре, Ирекмәндәр хәрәкәтенең республка үҙәге, йәштәр ойошмалары вәкилдәре йәмғиәт урындарында өләшә.

Бөгөн шулай уҡ битлектәрҙе Стәрлетамаҡ һәм Ишембай ҡалаларында йәшәүселәр ҙә аласаҡ. Ҡалған 20 муниципалитетта ла таратыласаҡ.