Башҡортостанда 24 балалар баҡсаһы төҙөлә

Башҡортостандың төрлө райондарында бер үк ваҡытта 24 балалар баҡсаһы төҙөлә. Республика Башлығы Радий Хәбиров әйтеүенсә, барлыҡ объекттар 2020 йыл аҙағында сафҡа инәсәк.

“Дәүләкәндә күптән көтөлгән ике баҡса төҙөлә, дөйөм алғанда улар ясли төркөмдәре менән 240 урынға иҫәпләнгән. Был учреждениеларҙа заманса физкультура һәм спорт залдары, логопед, психолог кабинеттары, кер йыуыу бүлмәһе, заманса ҡорамалдар ҡуйылған аҙыҡ-түлек әҙерләү блогы буласаҡ”,— тип яҙған төбәк етәксеһе.

Радий Хәбиров әйтеүенсә, Дәүләкәндә ошо балалар баҡсалары төҙөлөп бөткәс, бында балаларҙы мәктәпкәсә белем биреү учреждениеларында урын менән тәьмин итеүгә сират тулыһынса бөтәсәк.

Фото: cdn.ru