Геройҙар беҙҙең арала

#Время_героев

Мәcетле районы йүнселдәре, тажлы вирус инфекцияһы таралыу сәбәпле, ауыр тормош хәлендә ҡалған мохтаҗдарға ярҙамға килгән.

“Һөнәре буйынса иң яҡшы – 2019” исеменә лайыҡ булған Мәсетле районындағы эшҡыуарҙарҙың хокуктарын яҡлау буйынса вәкаләтле вәкилдең йәмәғәт башланғысындағы ярҙамсыһы, шәхси эшҡыуар Альберт Ғафаров өлкәндәргә аҙыҡ-түлек йыйылмалары таратыу менән мәшғүл. Уға иң кәрәкле аҙыҡ-түлек кенә түгел, ярмалар, печенье, кәнфиттәр, бал, сәй ҙә ингән.

Көтөлмәгән бүләктәр Бөйөк Ватан һуғышы ветерандарына тапшырылды. Волонтерҙар, битлек һәм перчаткалар кейеп, һаҡлыҡ сараларын тулыһынса үтәп, аҙыҡ-түлек таратты.




Фото: Мәсетле районы хакимиәтенең матбуғат хеҙмәте