Әбйәлил обсерваторындағы вахтасылар өйҙәренә юлланды

Әбйәлил районындағы обсерватор БР Башлығы Радий Хəбировтың бойороғона ярашлы ойошторолғайны. Унда Яҡутстандағы Чаяндин ятҡылығынан ҡайтарылған вахтасылар тотолдо.
Учреждение 400 кешене ҡабул итте. Уларҙың һигеҙе коронавирус шиге аҫтында булып, дауаханаға урынлаштырылды. Ҡалғандар ял базаһында ике аҙна карантинда булып, бөгөн үҙ йорттарына ҡайтып китте.

Əбйəлил районы хакимиəте башлығы урынбаҫары Руслан Йосопов хəбəр итеүенсə, өйҙəренə юлланған вахтасыларҙа ауырыу табылмаған. Улар артабан табиптар күҙəтеүендə буласаҡ.

Фото: Башинформ.