Путин эшһеҙлек буйынса пособие күләмен өс тапҡыр арттырырға тигән тәҡдимде хупланы

Рәсәй президенты Владимир Путин Рәсәйҙә раҫланған килемдәре булмаған граждандар өсөн эшһеҙлек буйынса пособиеның минималь күләмен 4,5 мең һумға тиклем күтәререгә кәрәк, тип иҫәпләй. Әле был пособие 1,5 мең һум тәшкил итә.

Дәүләт етәксеһе әйтеүенсә , эшһеҙҙәр әле дәүләт ярҙамына мохтаж, шуға күрә 1 майҙан эшһеҙлек буйынса минималь пособиены 4,5 мең һумға тилем арттырарға кәрәк. Псобие бындай күләмдә өс ай – 1 авгусҡа тиклем түләнәсәк. Президент бының өсөн бюджетта аҡса булыуын билдәләп, хөкүмәттән ҡыҫҡа ваҡыт эсендә был тәҡдим буйынса норматив база әҙерләүҙе талап итте.