-7 °С
Ҡар
Бөтә яңылыҡтар
Новости
29 Май 2020, 12:30
Еңеүсе проекттар байтаҡ
Быйыл "Урындағы башланғыстарға булышлыҡ итеү" программаһына инеү өсөн конкурсҡа Башҡортостандан 1061 ғариза бирелгән. Улар араһынан 563 проект, шул иҫәптән беҙҙең райондан 10 проект, еңеүгә өлгәшкән.
Быйыл "Урындағы башланғыстарға булышлыҡ итеү" программаһына инеү өсөн конкурсҡа Башҡортостандан 1061 ғариза бирелгән. Улар араһынан 563 проект, шул иҫәптән беҙҙең райондан 10 проект, еңеүгә өлгәшкән.
Республика ҡаҙнаһынан, муниципаль бюджеттан субсидия һәм халыҡ индергән өлөштө бергә ҡушып иҫәпләһәң, проекттарҙың дөйөм хаҡы 589,5 миллион һум тәшкил итә.
Уларҙың 385-е ауылда ғәмәлгә ашырыласаҡ, был маҡсатта 382,6 миллион һум тотоноу ҡаралған. Ҡала округтары араһында 178 проект уңышҡа өлгәшкән, уларҙың тәҡдимдәрен бойомға ашырыу өсөн 206,8 миллион һум бүленәсәк.
Еңгән проекттарҙың төп өлөшө – 137-һе – мәғариф учреждениелары менән бәйле. Икенсе урында автомобиль юлдарына ҡағылышлы тәҡдимдәр тора (117 проект). Өсөнсөлә – ихаталарҙы һәм балалар майҙансыҡтарын төҙөкләндереү (93 проект).
Әлбиттә, һәр проект артында халыҡтың әүҙемлеге, муниципалитеттарҙың тырышлығы тора. Хәҙер инде уларҙы матур итеп тормошҡа ашырырға ҡалды.
Читайте нас:
© "Ейәнсура таңдары" сайты, 2020-2024
Гәзит Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. ПИ ТУ02-01355-се һанлы теркәү тураһында таныҡлыҡ 2015 йылдың 10 июлендә бирелгән.
Баш мөхәррир: Ә.М. Әйүпова.